Ezabatutako argazkiak eta fitxategiak berreskuratzea, baita Android.en ere

Ume txikiak izatea arrisku asko dakar. Batez ere dena ikasi nahi dutelako, eta nola esan ezetz? Gure kasuan, 7 urteko semeak argazkiak ateratzea gustuko du, eta argazki kamera digitala nola erabiltzen den irakatsi diogu. Eta irakatsi ez dioguna bere kabuz ikasi du. Hauen artean argazkiak banan-banan nola ezabatu (SD txartelari formatoa ematea aurreragorako utziko dugu, badaezpadaere). Eta nola ez, berak dakiena 5 urteko anaiari irakasten/erakusten dio.
Guk hainbatetan errepikatu dioguna praktikara eramanez (ikasi, eginez egiten dala) anaia gazteari kameran zeuden argazki batzuk ezabatuz irakatsi zion. Zeintzuk eta arreba gaztearen hirugarren urtebetetzeko argazkiak! Zoritzarrez ez ginen momentuan edo berehalako batean ohartu honetaz, eta hau duzue ezabatutakoak berreskuratu ahal izateko lehenengo araua: EZ ERABILI GAILUA!!! Ez dut hemen azalduko zelan funtzionatzen duen ezabaketak kameretan, baina atxindutakoa atzera bueltan gura baduzue bertan behera utzi gailua erabiltzeari.
Ezabatutakoak, gure kasuan argazkiak, edozein fitxategi mota izan daitezke (mp3, jpg, txt, odt, mp4, ogg, zip, pdf, …, 390 mota ezberdin), edozein gailutan (Pen-drive, barne edo kanpoko disko gogorra, memoria txartelak, DVD, mugikorrak edo tabletak) eta edozein fitxategi mota (FAT, NTFS, exFAT, ext2/ext3/ext4, HFS+) edozein sistema eragiletan. Software askearen onurak!!!
Erabiliko dugun aplikazio edo programa PhotoRec deitzen da eta TestDisk programaren atal bat da.

Linuxen kontsola bidez erabiltzen da, oso modu erraz eta intuitiboan. Berez, ez dago instalatuta. Beraz, lehenengo gauza instalatzea izango da.
Kontsola zabaldu eta idatzi:

sudo apt-get install testdisk

Instalatu eta gero, abiarazi

sudo photorec

Eta honelako zerbait agertuko zaigu (bakotzaren ordenagailuaren arauera)

photorec1

Ikusten danez, disko eta txartelak berehala hantzematen ditu. Tableta edo mugikorra kable bidez konektatuta izanez gero, baita. Eta begibistan da erabilterraza dela guztiz. Gezien bidez gailua aukeratu eta enter sakatu.

photorec2

Ondoren, baieztatu fitxategi sistema, esan aurkitutakoak non gorde “C” erabiliz eta … bilaketa hasten da. Aurkitutakoak esandako karpetaren barnean sortutako karpeta batean gordeko ditu. Guztiz erabilgarri.

photorec3
photorec4

Hau izan da Linuxerako azalpena, baina programa hau edozein sistema eragiletan dabil, baita Windowsen ere. Sistema eragile honetan erabiltzeko, badakizue: jaitsi .exe klik-onartu-klik-klik-klik.

TestDisk jaisteko hona helbidea. Dokumentazioa eta laguntza ere bertan aurki ditzakezue, erdaraz (ingelesez, gasteleraz, frantsesez, alemanieraz, italieraz eta polakoz).
Arazorik edo galderarik izanez gero, badakizue zelan egin.

Twitter.en sinboloak erabiltzeaz

Badira Twitter.en oso ezagunak diren bi sinbolo: a bildua (@) eta traola (#).
Lehenengokoa erabiltzaileen izenaren aurrean doa, eta hau barik ez da erabiltzaile izenik. Hots, Twitter programa da eta @Twitter erabiltzailea.
Berba bati # jartzen badiogu, #Twitter, berba hau berezi bihurtzen dugu, HashTag delakoa, eta hauekin egiten da Trending Topic zerrenda (ez badakizue, Euskal Herriak bere TT zerrenda izateko kanpaina abiatu dugu >> hemen adibidez).
Honainokoa ezein erabiltzailek daki edo jakin beharko luke.

Izena aukeratzeko orduan pare bat ohar. Gure izena edozein izan daiteke, beste batek ez badauka eta gehienez ere 15 hizki luzeran.
Baina ez dira izen bera “@nineuez” “@ni-neu-ez” “@ni_neu_ez” “@ni.neu.ez” eta @ni neu ez”. Bi hitz edo gehiagorekin sortu nahi badugu, lehenengoko aukera (@nineuez) eta hirugarrena (@ni_neu_ez) dira baliozkoak.
Beste kasuetan Twitter.ek “@ni” bakarrik hartuko du erabiltzaile izentzat. Hau da, edo dana jarraian idazten dugu edo beheko gidoia erabili behar da. Aukera gehiagorik ez da. Puntuak ala erdiko gidoiak ala hutsuneak “izena horren aurretik amaitu dela adierazten dute”. Euskaraz, izenari zerbait eransten badiogu ondoren, hutsunea edo gidoia edo puntua erabil dezakegu arazo barik

HashTag bat erabiltzeko orduan ere izena aukeratzeko arau berek balio dute. Hots, hitz bakarra erabiltzen badugu ez da arazorik egongo, baina bat baino gehiago nabarmendu nahi badugu beheko gidoia “_” erabili beharko dugu. Puntua, erdiko gidoia, hutsunea, … erabiltzen baditugu, ez dugu HT berria sortuko, soilik traolaren segidan dagoen hitza hartuko du HT bezala.

Bale. Ondo. Eta, zer dela jartzen zaio erabiltzaile izenari puntu bat aurretik? (.@ni_neu_ez)
Puntua, nahiz eta beste sinbolo batzuk ere erabili daitezkeen (” – ?), erabiltzaile jakin bati erantzun baina beste guztiek ere erantzuna ikustea nahi dugunean erabiltzen da. Demagun @ni_neu_ez.ek txio bat idazten duela. Erabiltzaile izenaren aurrean ez badugu punturik erabiltzen nire eta @ni_neu_ez.en jarraitzaleek (biok jarraitzen gaituztenak bakarrik) ikusiko dute erantzuna. Puntua idatziz gero, bakarrrik nire jarraitzaile direnek eta @ni_neu_ez.en jarraitzaileak ez direnek ere irakurri ahal izango dute. Nolabait esanda, erantzun publikoa emateko erabiltzen da.
Puntua jartzen badiogu aurretik erabiltzaile izenari txio berri bat idazten dugunean ez du ezertarako balio. Eragina erantzunetan besterik ez du.

Hauxe duzue gaurkoz. Galderarik izanez gero badakizue zelan bota.
Badira Twitter.en oso ezagunak diren bi sinbolo: a bildua (@) eta traola (#). Lehenengokoa erabiltzaileen izenaren aurrean doa, eta hau barik ez da erabiltzaile izenik. Hots, Twitter programa da eta @Twitter erabiltzaileaBadira Twitter.en oso ezagunak diren bi sinbolo: a bildua (@) eta traola (#). Lehenengokoa erabiltzaileen izenaren aurrean doa, eta hau barik ez da erabiltzaile izenik. Hots, Twitter programa da eta @Twitter erabiltzaileaBadira Twitter.en oso ezagunak diren bi sinbolo: a bildua (@) eta traola (#). Lehenengokoa erabiltzaileen izenaren aurrean doa, eta hau barik ez da erabiltzaile izenik. Hots, Twitter programa da eta @Twitter erabiltzaileaBadira Twitter.en oso ezagunak diren bi sinbolo: a bildua (@) eta traola (#). Lehenengokoa erabiltzaileen izenaren aurrean doa, eta hau barik ez da erabiltzaile izenik. Hots, Twitter programa da eta @Twitter erabiltzailea

Nola lotu gure Android gailuak Linuxen MTP protokoloaren bidez

Nexus 7a android-zale askoren etxetara ari dira ailegatzen egunotan, eta jabeek ahalik eta gauza gehien egin nahi dute euren tabletekin, hala-nola bideoak eta argazkiak ikusi, prokrastinatze eta produktibitatearen eredu bi. Berez, gailua ordenagailuan konektatu eta listo izan beharko litzateke, baina Linuxeko erabiltzaile askori gertatzen zaigu hori besterik ez dugula lortze:konektatzea baina ez gailua detektatzea.

Hau horrela izatea du helburu MTP-k (Media Transfer Protocol edo audioa/bideoa/argazkiak bidaltzeko protokoloa), tabletaren memorian lan egiteko ahalegintzen duena gailua erabiltzea zilegi den bitartean. Protokolo hau Nexus 7 (eta beste tableta gehienetan baita) gailuaren barnean dago. Arazoa, beraz, ez da Androidena baizik eta Linuxena. Protokolo honek euskarri zabala du komunitatean, baina ez dator Linux zapore guztietan instalatuta, oso erabiliak diren Ubuntu eta Linux Mint hauen artean daudelarik.

Lehenengo eta behin kodea konpilatu behar dugu. Oso erraza hurrengoko pausuak jarraituz gero, bai eta erabiltzaile berrienentzat ere.

Ohikoa denez Linuxen, kontsolan egingo dugu lan, root izanda edo ez, eta idatzi (edo copy-paste egin)

sudo apt-get install libusb-dev

Honek beharrezko pakete bat instalatu digu. Orain libmtp fitxategiaren kopia bat lortu behar dugu. Nabigatzailea zabaldu eta SourceForge tokira joango gara eta esandako fitxategiaren azkeneko bertsioa jaitsiko dugu. Hau libmtp 1.1.4 da. Gure karpeta pertsonalean eraizten dugu eta berriro ere kontsolarekin egingo dugu lan, hurrengoko 4 komando hauek idatziz (edo copy-paste baina banan-banan).

cd libmtp-1.1.4
./configure –prefix=/usr
make
sudo make install

Badaukagu prest libmtp. Bukatu dugu? Ez ba. Protokoloa kudeatuko duen aplikazioa behar dugu eta horretarako gMTP aukera ona izan daiteke. Kontsola bidez instalatuko dugu, pausu bakarrean.

sudo apt-get install gmtp

Dena prest dago (ez, ez da PCa berrabiarazi behar, hau Linux da), gure tableta USB kable bidez lotu ordenagailuari, gMTP aplikazioa abiarazi (Soinua eta Bideoa atalean aurkituko dugu) eta Gailua Konektatu (edo F3) klikatuko dugu.

Kontutan izan beharreko gauzatxo bat. Zerbait ekarri nahi badugu tabletatik ordenagailura helburu karpeta aldatu behar dugu, berez root karpetan kopiatu nahi izango duelako eta aplikazioak ez baitauka horretarako baimenik.

Testua itzulpen bat da. Testu originala honako helbidean topako duzu: Xataka Android